Upphaf framkvæmdabygg.mal7

Eftir útgáfu byggingarleyfis óskar byggingarstjóri eftir útmælingu hjá byggingarfulltrúa og þá geta framkvæmdir hafist.

 

Grenndarkynning

Um er að ræða formlega kynningu á skipulagstillögu þar sem hagsmunaaðilum er gefinn kostur á að gera athugasemdir innan tilskilins frests.

Í þegar byggðu hverfi þar sem deiliskipulag liggur ekki fyrir skal sækja um byggingarleyfi til byggingarfulltrúa. Byggingarfulltrúi hlutast til um að fram fari grenndarkynning hjá skipulagsnefnd.

Grenndarkynning felst í því að skipulagsnefnd kynnir nágrönnum sem taldir eru geta átt hagsmuna að gæta byggingarleyfisumsóknina og gefur þeim kost á að tjá sig um hana innan tilskilins frests sem skal vera a.m.k. fjórar vikur.

Þegar niðurstaða skipulagsnefndar liggur fyrir tekur byggingarfulltrúi byggingarleyfisumsóknina til afgreiðslu.

Sjá nánar hér: Leiðbeiningarblað nr. 8 - Grenndarkynning

 

Hönnunarstjóri

Til samræmingar á hönnunargögnum skal vera hönnunarstjóri á sérshverju mannvirki. Hann skal árita sérupdrætti til staðfestingar á því að samræming hafi farið fram áður en byggingarfulltrúi samþykkir þá.

 

Byggingarstjóri

Við stjórn framkvæmda hvers mannvirkis skal vera einn byggingarstjóri sem eigandi ræður og er réttindum hans og skyldum lýst nánar í byggingarreglugerð en þau er í aðalatriðum eftirfarandi:

Hann er framkvæmdastjóri byggingarframkvæmda og ræður iðnmeistara.
Hann ber ábyrgð á því að byggt sé í samræmi við samþykkta uppdrætti, lög og reglugerðir.
Hann skal óska úttektar á úttektarskyldum verkþáttum og vera viðstaddur úttektir ásamt viðkomandi iðnmeistara.
Hann tilkynnir byggingarfulltrúa þegar bygging er fokheld.
Hann skal staðfesta við lok framkvæmda að byggt hafi verið í samræmi við samþykkta uppdrætti, lög  og reglugerðir.

Uppáskrift byggingarstjór er hægt að finna undir Eyðublöð

 

Iðnmeistarar

Iðnmeistarar bera ábyrgð á einstökum verkþáttum framkvæmdar. Iðnmeistari á viðkomandi verkþætti skal vera viðstaddur úttekt ásamt byggingarstjóra.

Uppáskrift iðnmeistara er hægt að finna undir Eyðublöð